Денеска во посета на Скопје беа Тамара Милановиќ и нејзиниот ментор од популарното музичко шоу Х-Фактор, Кики Лесендриќ, кои на прес-конференцијата во Скопје Сити мол го најавија претстојниот концерт на 14 март.

Тие изјавија дека се премногу возбудени што ќе настапуваат пред македонската публика и најавија голем музички спектакл.

Тимот на Популарно.мк направи ексклузивно интервју со Тамара Милановиќ, која ќе настапува на концертот во Борис Трајковски на 14 март.

- “Многу сум возбудена и чувствувам неверојатна трема за претстојниот концерт, бидејќи слушнав колку многу луѓе ќе дојдат да не’ слушаат и тоа е голема чест за мене, а исто така и фактот што ќе бидам на иста сцена со Кики, но и со колегите од Х-Фактор, претставува голема одговорност и уште поголем предизвик.“ – изјави Тамара во интервјуто за Популарно.мк.

slika7

Во посета на Македонија заедно со нив се и Даниел Кајмакоски и Перчоли, кои за жал денес не присуствуваа на прес-конференцијата. Тие не успеале да го разгледаат Скопје, не сепак имаа убави коментари за нашата земја.

- “Ова ми е првпат во Скопје, и морам да признаам дека луѓето се прекрасни и тоа е единствено што можам да кажам, бидејќи не успеав да го видам градот, но навистина ми е прекрасно откако дојдовме. Се’ се одвива со едно многу брзо темпо и имаме многу работи кои треба да ги завршиме во Скопје, а времето е кратко, но се надевам дека кога ќе дојдеме за концертот ќе имаме многу повеќе време и можности да го разгледаме Скопје. Едноставно, ми се допаѓа Македонија и македонскиот народ.“ – дополни Х-Фактор ѕвездата Милановиќ.

Х-Фактор е одлично место за промоција на талентите, и многу често го менува животот на учесниците. Истото искуство го има и Тамара.

slika8

- “Тамара пред Х-Фактор беше многу несигурна и несвесна за се’ ова што се случува и сега кога шоуто направи голем бум добивам поголема самодоверба. Навистина ми годи тоа што луѓето почнаа да ме препознаваат, што почесто сме на медиумите. Ми годи вниманието генерално во животот, но и оваа популарност исто така. Не знам како ќе биде по завршувањето на шоуто, не верувам дека ќе биде вака интензивно како сега, но секако, додека трае шоуто, навистина сум пресреќна за се’ што ми се случило до сега и ќе ми се случува понатаму.“ – за крај изјави Тамара Милановиќ.

Во продолжение погледнете дел од атмосферата на денешната прес-конференција низ објективот на нашиот фоторепоретер.

slika2

slika3

slika4

| ФОТО: Искра Јачева за Популарно.мк