Следи нѐ
To Top

Денеска ќе бидат објавени прашањата за екстерното тестирање

Министерството за образование и наука денеска по 20 часот, прашањата кои што ќе бидат дел од тестовите при процесот на екстерно тестирање на учениците од четврто одделение во основно образование до трета година во средно образование, ќе ги објави на интернет страницата prasanjaeksterno.dic.edu.mk.

– Јавниот базен ќе содржи 445.700 прашања на македонски, албански, турски и српски јазик по вкупно 7.560 предмети. За секој предмет се генерирани прашања во зависност од неговата застапеност во наставниот план, односно бројот на часови. За предмет застапен со 1 час неделно, генерирани се 100 прашања, за предмет со 2 часа неделно генерирани се 200 прашања, за предмет застапен со 3 часа неделно генерирани се 300 прашања, информираат од МОН.

реклама

Секој ученик може на едноставен начин, преку менито на интернет страницата prasanjaeksterno.dic.edu.mk, да ги обезбеди оние прашања по предметите што го засегаат.

Од Министерството информираат дека е отворена и можноста на секое прашање доколку некој од учениците или кој било граѓанин забележи извесна грешка од техничка или друга природа, која е возможно да постои имајќи ја предвид количината на прашањата, да пријави со само еден клик на апликацијата/прозорчето поставено веднаш до секое прашање.

За други прашања или сугестии кои не се поврзани со содржината, односно со технички корекции на прашања, може да се испрати мејл на адресата [email protected], на што операторите од Државниот испитен центар ќе одговорат во најкраток можен рок. Оваа можност ќе биде достапна до 14 мај 2015 година, по што, откако ќе бидат вметнати сите издржани забелешки, повторно ќе биде креирана и објавена финалната база на прашања.

ПОВЕЌЕ ОД КАТЕГОРИЈАТА: Актуелно

реклама
error: Содржината е заштитена со авторски права.