Следи нѐ
To Top

Четвртото продолжение на „50 нијанси на сиво“ стигнува на 18 јуни

Е.Л.Џејмс, авторката на планетарниот книжевен феномен „50 нијанси на сиво“, се враќа со ново, четврто продолжение на популарниот еротски серијал.

Книгата под наслов „Grey“ , ќе биде објавена на 18 јуни, соопштија од издавачката куќа Винтиџ Букс.

реклама

Овојпат приказната е раскажана од „машки агол“ т.е. од аголот на милијардерот Кристијан Греј, чија жешка романса со младата Анастазија Стил стана опсесија од меѓународни размери.

Британската писателка наведе дека новата книга е посветена на читателите  кои ја „молеле и молеле и молеле“ да го напише романот каде наратор ќе биде Кристијан.

– Кристијан е комплексен лик и читателите од самиот почеток беа фасцинирани од неговите желби и мотивации, како и неговото проблематично минато, наведе Џејмс.

– Како што знае секој кој бил во врска, во секоја приказна постојат две страни, истакна таа.

Од издавањето на првиот роман во 2011 година, трилогијата „50 нијанси“ продадена е во повеќе од 125 милиони примероци и ги собори рекордите во продажба, како на печатени така и на електронски изданија.

Истоимениот филм, прикажан во почетокот на годината заработи повеќе од 500 милиони долари низ целиот свет.

ПОВЕЌЕ ОД КАТЕГОРИЈАТА: Ви препорачуваме

реклама
error: Содржината е заштитена со авторски права.