Следи нѐ
To Top

Велосипедско дефиле од Порта Македонија до Школка

Републичкиот Совет за безбедност на сообраќајот на патиштата, АМСМ, МВР и Град Скопје, заедно со останатите партнери организираат велосипедското дефиле кое ќе се одржи денеска со почеток во 9 часот пред „Порта Македонија“.

Дефилето е составен дел од проектот „Со велосипед на пат низ целиот град“ и има за цел да го промовира велосипедот како сообраќајно превозно средство. Воедно, со овој настан ќе се испрати порака до возачите на моторни возила дека велосипедистите се присутни во сообраќајот и оти треба да бидат почитувани како рамноправни учесници во сообраќајот.

реклама

Настанот ќе се одвива по следната дефинирана рута од „Порта Македонија“ до АМСМ, преку ул„.М.Т.Гологанов“ до „Веро Тафталиџе преку бул.„8-ми Септември“ до „Ми-Да Моторс“, а потоа преку бул.„Илинден“ до кафе-бар „Штала“ и до крајната цел, „Школка“ во Градски парк.

Велосипедското дефиле со свое учество ќе го поддржат многу јавни личности од културниот и забавниот живот во Репубика Македонија, а ќе учествуватт и претседателот на РСБСП, Стојче Стаменковски, генералниот секретар на АМСМ, Димитар Миновски и градоначалникот на Град Скопје, Коце Трајановски.

Велосипедското движење ќе заврши кај „Школка“ во Градски Парк, каде покрај добра музика и забава, учесниците во велосипедското движење ќе ги очекуваат и пет „Маx“ велосипеди кои во знак на поддршка на развојот на велосипедизамот во градот, како награди ќе ги додели „Агротехна“.

ПОВЕЌЕ ОД КАТЕГОРИЈАТА: Актуелно

error: Содржината е заштитена со авторски права.