Следи нѐ
To Top

Светот пред постигнување на историски договор за климатските промени

Францускиот министер за надворешни работи Лоран Фабиус изјави дека денеска на министрите ќе претстави историски конечен нацрт за нов глобален договор за климатските промени, изразувајќи уверување дека тој ќе биде одобрен.

– По консултациите, утре во 9 часот на сите земји ќе го претставаам текстот што сум убеден, дека ќе биде одобрен и ќе претставува голем чекор за целото човештво, изјави Фабиус, додавајќи дека работата е до самиот крај.

реклама

Генералниот секретар на ОН Бан Ки-мун, исто така, изрази уверување дека ќе биде постигнат амбициозен и силен договор, додавајќи дека преговарачите се уште работат на усогласување на одредени прашања, меѓу кои и за тоа кој ќе плати за штетите предизвикани од глобалното затоплување.

Фабиус синоќа претстави нов нацрт договор од 27 страници, што е за две страници пократок од претходната верзија.

Преговарачите се усогласија за долгорочната цел глобалното затоплување да се држи на значително ниво под два степени, како и цел на владите да биде што побрзо постигнување на договор за највисоко ниво на емисијата на штетни гасови.

Претставници од 195 земји работата на постигнување на договор на конференција во Париз за забавување на климатските промени и насочување на глобалната економија да биде помалку зависна од фосилни горива.

ПОВЕЌЕ ОД КАТЕГОРИЈАТА: Актуелно

error: Содржината е заштитена со авторски права.