Следи нѐ
To Top

Македонија против Естонија во борба за златниот медал во Европската лига

Македонската одбојкарска репрезентација попладнево од 17 часот против Естонија ќе игра во финалето на завршниот турнир од Европската лига што се игра во Варна. Двете репрезентации вчера извојуваа тешки победи од 3:2 во сетови. Македонија ја победи Австрија, а Естонија беше поуспешна од домаќинот на завршниот турнир Бугарија.

Пласманот во финалето на двете селекции е сосема заслужен бидејќи немаат ниту еден пораз во досегашниот тек од натпреварувањето оваа сезона.

Македонија и Естонија постигнаа по седум победи (шест во групата и еден во полуфиналето). Минатата година на завршниот турнир во Полска во полуфиналето Македонија ја победи Естонија со 3:0, а претходно Естонците имаа две победи во групата.

Естонија е еден од ривалите на нашата репрезентација и во квалификациите за Европското првенство што ќе се играат во септември годинава.

Во натпреварот за 3.место на завршниот турнир во Варна од 14 часот ќе играат Бугарија и Австрија.

ПОВЕЌЕ ОД КАТЕГОРИЈАТА: Одбојка

error: Содржината е заштитена со авторски права.