Следи нѐ
To Top

ТАТЈАНА АЛЕКСИЌ: Сексуална интелигенција

Една од најтврдокорните предрасуди на кои ни книгите не им можат ништо, е предрасудата околу сексот и сексуалноста.

Дека сексот е ,,свет” во име на создавањето потомство, а ,,грешен “во име на задоволствата, сѐ уште е во потсвеста на жените.

Но една од големите вистини за сексуалното здравје е фактот дека често водење љубов го подобрува квалитетот на животот. Секако, водењето љубов на сигурно (познат партнер, заштита од сексуално преносливи болести и несакана бременост) е превенција за здрав сексуален живот.

Сексот е кардиоваскуларна вежба за симнување на ,,лошиот” холестерол, зголемување на кислородот во мускулното ткиво, зацврстување на коските и мускулите, зголемување естроген кај жените и заштита на срцето. Во книгата ,,Сексуална интелигенција” на д-р Шери Конрад и Мајкл Милберн , дадени се поразителни резултати од истражувањата. Една третина од групата испитаници од 18 до 39 години се изјаснила дека има секс еднаш месечно, а секој трет маж или жена оптимални два пати неделно!

Истражувањата на оваа тема се специфични, а статистиката отежната, патем испитувале Американци, а не Балканци и не мораме да им веруваме, „не е морално бе Пиги“! Но она во што мора да веруваме е фактот дека и покрај сексуалното образование, достапните информации, надминувањето на табу темите… ние сепак немаме ниво на сексуална интелигенција и развиен култ кон водењето љубов.

Сексот не е спорт и не може некој да ужива во брзопотезен секс и „мување“ за една ноќ, отколку во долгорочно градење на долга врска со заемно разбирање и љубов. За жал, долгите врски излегуваат од „мода“ . Дури и бакнежите губат од вредност кога се расфрлаат без здрава инспирација. Еротската возбуда почнува со бакнежот, кога 150 пулсирања согоруваат 12 калории за 7 секунди, а за една минута и 50 калории, доволно да истопи милка со лешници! Францускиот бакнеж активира 29 мускули, поттикнува адреналин и го забрзува пулсот, додека страсно се бакнуваме разменуваме хормони кои делуваат како афродизијак, 9 мг вода, 0,18 органски материи, 0,45 мг сол но и 250 бактерии кои го олеснуваат варењето… Затоа наместо Орбит џвакајте го партнерот ;)

Книгата поентира со размисла дека секој треба да работи врз подобрувањето на своето либидо, квантитетот но и квалитетот на сексуалниот живот. Водете љубов и бакнувајте се страсно за инает на депресивноста и „дрмајте“ се во ритам со земјотресот!

ПОВЕЌЕ ОД КАТЕГОРИЈАТА: Колумни

  • Читачка криза…

    Сѐ поблиску сме до неповратна загуба на читачката кондиција!

    Татјана Алексиќсептември 14, 2016
  • Вистината како стока…

    Има ли цена и драгоценост вистинската информација во вистинско време? Отсекогаш, вистинската информација е најдрагоцената стока во меѓучовечките односи важна за...

    Татјана Алексиќсептември 14, 2016
  • Љ-витамин, превенција за комплекси!

    Чувството на пониска вредност е отров кој перманентно не труе и не ни дозволува да им се противставиме на животните проблеми.

    Татјана Алексиќсептември 14, 2016
error: Содржината е заштитена со авторски права.