Следи нѐ
To Top

Најбараните криминалци ќе се најдат на божиќен календар на Европол

Божиќните или адвентски календари, што ги одбројуваат деновите од 1 декември до Божик по грегоријанскиот календар на 24 декември, традиционално содржат најразлични мотиви и подароци.

Но, оваа година Европол претставува своја верзија на онлајн божиќен календар, на кој се ликовите на најбараните криминалци во Европа.

– Од 1 декември, па во наредните 23 дена, секојдневно ќе објавуваме по еден бегалец од некоја од членките на Европската унија. Се работи за сторители на сериозни кривични дела, како што се убиства, тероризам, киднапирања, силувања и шверц на дрога. Дневно, еден лик на криминалец кој моментно е во бегство, ќе биде објавуван на Фејсбук и Твитер, изјави вчера портпаролот на Европол, Џералд Хестер.

Денеска ќе биде објавена фотографија на Тибор Фоко (60) од Австрија, кој е осуден и се бара за убиство на проститутка во 1986 година. Тој побегнал од затвор во 1995, а наградата за информација што би помогнала за негово повторно апсење, изнесува 2.900 евра.

– Се надеваме дека на 24 декември ќе им дадеме убав подарок на луѓето, така што ќе фатиме некои од овие криминалци, рече Хестер.

Од 1 јануари, па досега, со објавувањето на потерниците онлајн и на социјалните мрежи, се уапсени вкупно 24 бегалци-затвореници.

ПОВЕЌЕ ОД КАТЕГОРИЈАТА: Занимливости

  • Наместо брак десетгодишен договор за врска

    Во светот денес во просек повеќе од една третина од браковите завршуваат со развод, поради што експертите ги советуваат паровите наместо...

    Информативна Редакцијадекември 1, 2016
  • Осум правила за уживање во кафето

    Уживателите на кафето секојдневно се соочувуаат совети и мудрувања околу тоа – дали кофеинот е штетен или полезен.

    Информативна Редакцијадекември 1, 2016
  • Руски научници од јаглен направиле злато

    Научници од руската Амурска Област по долгогодишни истражувања успеале да дојдат до заклучок дека е можно од искористен јаглен да се...

    Информативна Редакцијадекември 1, 2016
error: Содржината е заштитена со авторски права.