Од Студентскиот пленум информираат дека нивната битка за подобрување на условите на студентите продолжува.
Студентите на синоќешниот пленум начелно договориле прекин на бојкотот на наставата кој денеска треба да помине на гласање во сите интерни пленуми.
Битката е добиена, но војната продолжува. Сите ние ќе се бориме за студентските права и натаму.
„Ја добивме битката, но не и војната. Дури сега ќе почне да се пишува новиот закон, а во меѓувреме не ги забораваме ниту останатите проблеми во образованието како лошите студентски домови, привилегираноста на одредени личности, непотребните давачки како ИКСА, корумпираните студентски парламенти…“, информираат од Студентски пленум на нивната Фејсбук страна.
Од Студентски пленум најавуваат и дека и покрај тековните случувања и (најавениот) прекинат бојкот на наставата, Автономна зона продолжува и понатаму.
