Поврзи се со нас

Популарно.мк

Пронајдени уште 50 тела по земјотресот во Непал

Актуелно

Пронајдени уште 50 тела по земјотресот во Непал

Полицијата во Непал пронајде тела на околу 50 лица, меѓу кои и странски алпинисти, во зоната која беше погодена од лавини по катастрофалниот земјотрес, соопштија денеска властите во Катманду.

– Ниту едно од телата засега не е идентификувано, изјави заменик началникот на полицијата во округот Расува, Правин Покхарел, кој ја предводи екипата.

Тој објасни дека телата се извадени вчера, една недела по земјотресот, и дека не можело да се стигне до зоната поради дождот и лошите временски услови.

Најмалку уште 200 лица се водат како исчезнати во овој реон, вклучувајќи планинари и локални жители, а официјално над 80 странци се наоѓаат меѓу нив.

– Имаме информации дека 82 странски државјани од различни земји се водат како исчезнати, изјави портпарол на непалското МВР.

Се очекува денеска во Непал да пристигнат американски воени авиони и персонал, со цел да помогнат при доставување на помош до загрозените реони надвор од главниот град Катманду. Бригадниот генерал Пол Кенеди истакна дека контингентот вклучува 100 војници, транспортна техника, четири авиони и два хеликоптера.

Информативна Редакција

Главниот и одговорен уредник на веб порталот Популарно.мк. Ѓорги е перспективен новинар кој со својата креативност и талент го направи Популарно.мк дел од водечките информативни сајтови во Македонија. Во исто време е регионален известувач за CNN од Македонија и главен на продукцијата GPTM Production.

Повеќе од Актуелно

ДО ВРВ
error: Содржината е заштитена со авторски права.