Поврзи се со нас
Маркетинг

Популарно.мк

Во Куманово релативно мирно: Се слушаат спорадични истрели од оружје

Актуелно

Во Куманово релативно мирно: Се слушаат спорадични истрели од оружје

Насловна фотографија: Даниел Краљевски / Think.mk

Во моментов во Куманово е мирно и не се слушаат истрели од оружје. Отворен е поголем дел од маркетите во градот.

Се уште е затворена една сообраќајна лента на улицата трета Македонска ударна бригада, но на останатите улици во градот сообраќајот се одвива непречено. Забележливо е полициско пристуво во повеќе делови од градот.

Спорадични истрели од оружје во Куманово и надлетување на хеликопери во Куманово се слушале во текот на ноќта и изутрината, по што од МВР информираа дека се уште е во тек акцијата за расчистување на теренот во рамки на акцијата за разбивање на вооружената група во кумановската „Дива Населба“.

Акцијата на полицијата започна вчера утрото. Министерската за внатрешни работи Гордана Јанкулоска синоќа информира дека во акцијата пет полицајци загинале, а над 30 биле повредени, како и дека дваесеттина од членовите на вооружената група и се предале на полицијата.

Посочи дека се уште нема информација за загинати цивили, а не се знае ниту точниот број на загинати членови на вооружената група. Најави дека акцијата на полицијата ќе трае, како што рече, се додека не се неутрализира и последниот терорист.

Целта на вооружената терористичка група, како што информира Јанкуловска, била напад на стратешките државни институции во Република Македонија.

Министерката за внатрешни работи апелираше до сите политички партии и општествени чинители да бидат на висина на состојбата со која државата се соочува и да се воздржат од дополнителни провокации кои би можеле да доведат кон ескалација на состојбата.

Информативна Редакција

Главниот и одговорен уредник на веб порталот Популарно.мк. Ѓорги е перспективен новинар кој со својата креативност и талент го направи Популарно.мк дел од водечките информативни сајтови во Македонија. Во исто време е регионален известувач за CNN од Македонија и главен на продукцијата GPTM Production.

Повеќе од Актуелно

Маркетинг
ДО ВРВ
error: Содржината е заштитена со авторски права.