Поврзи се со нас

Популарно.мк

МОН ги објави распоредите за екстерното тестирање

Наука

МОН ги објави распоредите за екстерното тестирање

Министерството за образование и наука денеска соопшти дека на интернет страницата prasanjaeksterno.dic.edu.mk се објавени распоредите за претстојното екстерно тестирање на учениците од четврто одделение во основно образование до трета година средно образование.

Учениците може да ги погледнат датумот и часот кога ќе бидат тестирани, додека за наставните предмети ќе бидат информирани три дена пред датумот на полагањето.

Процесот на екстерната проверка ќе се реализира во периодот од втори до десетти јуни и ќе опфати вкупно 183.280 ученици и 17.803 наставници.

Јавниот базен со прашања, објавен на интернет страницата prasanjaeksterno.dic.edu.mk содржи вкупно 445.700 прашања на македонски, албански, турски и српски јазик по вкупно 7.560 предмети. За секој предмет се генерирани прашања во зависност од неговата застапеност во наставниот план, односно бројот на часови. Така, за предмет застапен со еден час неделно генерирани се 100 прашања, за предмет со два часа неделно 200 прашања, за предмет застапен со три часа неделно 300 прашања.

Информативна Редакција

Главниот и одговорен уредник на веб порталот Популарно.мк. Ѓорги е перспективен новинар кој со својата креативност и талент го направи Популарно.мк дел од водечките информативни сајтови во Македонија. Во исто време е регионален известувач за CNN од Македонија и главен на продукцијата GPTM Production.

Повеќе од Наука

ДО ВРВ
error: Содржината е заштитена со авторски права.