Поврзи се со нас
Маркетинг

Популарно.мк

Акција за чистење на дното на Охридското Езеро од цврст отпад

Актуелно

Акција за чистење на дното на Охридското Езеро од цврст отпад

Нуркачите од Клубот за подводни активности од Охрид денеска ја започнаа акцијата за чистење на дното на Охридското Езеро од цврст отпад.

Околу 15 нуркачи во четири етапи ќе го чистат дното на езерото во крајбрежниот појас на потегот од Градското пристаниште до црквата Свети Јован Канео.

– Не можеме да го извадиме сиот цврст отпад од дното на езерото, оттаму ќе делуваме на свеста на граѓаните да не фрлаат отпад во Охридското Езеро, изјави Милутин Секуловски – Миќо, професионален нуркач – меѓународен инструктор.

Тој истакна дека сите досегашни кампањи за одржување на чистотата на езерото вродуваат со плод, односно секоја година се помалку отпад има во езерото.

– Она што би сакал да го истакнам е фактот што најголем виновник за загадувањето на езерото со цврст отпад се реките од сливот на Охридското Езеро. Сета пластика во езерото доаѓа токму од тие сливови, така што потребни се активности во насока на поставување зафати, мрежи, брани, што ќе спречат влез на отпадот во езерото, истакна Секуловски.

Активностите за чистење на дното на Охридското Езеро од цврст отпад се реализираат веќе десетина години наназад. Оваа година акцијата се реализира со финансиска поддршка на охридската локална самоуправа.

Информативна Редакција

Главниот и одговорен уредник на веб порталот Популарно.мк. Ѓорги е перспективен новинар кој со својата креативност и талент го направи Популарно.мк дел од водечките информативни сајтови во Македонија. Во исто време е регионален известувач за CNN од Македонија и главен на продукцијата GPTM Production.

Повеќе од Актуелно

Маркетинг
ДО ВРВ
error: Содржината е заштитена со авторски права.