Поврзи се со нас

Популарно.мк

Заев нема да оди на состанокот во Брисел на 10 јуни

Актуелно

Заев нема да оди на состанокот во Брисел на 10 јуни

Лидерот на СДСМ Зоран Заев денеска изјави дека нивни претставници нема да присуствуваат на закажаниот состанок со еврокомесарот Хан на 10 јуни во Брисел.

– Изјавата во Вашингтон, на Јоханес Хан, комесарот за проширување на ЕУ содржи елементи на пристрасност  и несоодветно во подготвителниот период пред одлучувачката средба во Брисел. Зачудува оценката на Хан, за генерално позитивни извештаи од набљудувачката мисија на ОБСЕ/ОДИХР за последните изборни циклуси во Македонија. Ниту ОБСЕ/ОДИХР, ниту ЕУ досега не констатираа дека извештајот за изборите во РМ е позитивен, изјави Заев.

Според него, доказите од прислушуваните телефонски разговори ја разоткриле меѓу другото и криминалната позадина на повеќе изборни циклуси во Македонија и организирани и спроведени од власта.

– За целиот овој период ние се однесуваме максимално демократски и седнавме на заедничка маса и покрај нерамноправната позиција на која што бевме поставени, изјави лидерот на СДСМ.

Вели дека по разговорите на 2 јуни во Скопје на кои присуствуваше и Хан, подигнат е уште еден обвинителен акт против него и тоа за земање поткуп иако кривичната пријава на МВР била за обид за поткуп.

Тврди дека е направена диверзија на автомобилот на синот на Зоран Верушевски и оти се направени нови претреси на домовите на притворените лица.

– Дадовме максимум во овој сериозен процес  и очекуваме тоа да се почитува од сите страни, изјави Заев, кој рече дека во овој момент не би одговарал на новинарски прашања.

Информативна Редакција

Главниот и одговорен уредник на веб порталот Популарно.мк. Ѓорги е перспективен новинар кој со својата креативност и талент го направи Популарно.мк дел од водечките информативни сајтови во Македонија. Во исто време е регионален известувач за CNN од Македонија и главен на продукцијата GPTM Production.

Повеќе од Актуелно

ДО ВРВ
error: Содржината е заштитена со авторски права.