Поврзи се со нас

Популарно.мк

Општина Аеродром: Почнува фестивалот „Гола месечина“

МК Сцена

Општина Аеродром: Почнува фестивалот „Гола месечина“

Со претставата „Стјуардеси“ од Марк Камолети, а во режија на Синиша Евтимов вечер почнува вториот Меѓународен фестивал на комедијата „Гола месечина“. 

Годинава фестивалот ќе се одржува до 30 јуни на фудбалското игралиште до детската градинка „Сонце“ во Реонски центар Аеродром. Граѓаните ќе можат бесплатно да погледнат девет театарски претстави, со почеток од 21 часот.

На програмата се претстави од Македонија, гостуваат Струмичкиот, Велешкиот и Прилепскиот театар. Ќе има две претстави од Драмскиот театар од Скопје и две претстави од Босна и Херцеговина, едната независна продукција од Сараево, а втората е театарот од Тузла.

Покрај средствата што ги издвои општина Аеродром од својот буџет, во реализацијата на овој проект се вклучени Министерството за култура и организаторот Театар Комедија.

Жирито кое ќе ги вреднува претставите е составено од професорот и писател Венко Андоновски, актерката Катерина Коцевска и режисерот Бојан Трифуновски. Фестивалот е од натпреварувачки карактер. Ќе се доделат четири награди, најдобра женска, најдобра машка улога, најдобра режија и Гран при. Сите ќе добијат по 500 евра.

Минатата година фестивалот го посетиле околу 15 илјади граѓани.

Информативна Редакција

Главниот и одговорен уредник на веб порталот Популарно.мк. Ѓорги е перспективен новинар кој со својата креативност и талент го направи Популарно.мк дел од водечките информативни сајтови во Македонија. Во исто време е регионален известувач за CNN од Македонија и главен на продукцијата GPTM Production.

Повеќе од МК Сцена

ДО ВРВ
error: Содржината е заштитена со авторски права.