Следи нѐ
To Top

Утврден идентитетот на опожареното лице во Градскиот парк

Според извршената идентификација, Министерството за внатрешни работи потврди дека опожареното лице во Градскиот парк во Скопје е 45-годишната скопјанка Р.С., соопшти денеска државното Јавно обвинителство.

Надлежниот јавен обвинител од Основното јавно обвинителство – Скопје вчера извршил увид во Градскиот парк на местото каде беше пронајдено опожареното тело на женско лице. Од местото, како што се наведува во соопштението, е подигнат доказен материјал, за кој јавниот обвинител издал наредба за криминалистичко – техничко вештачење, како и наредба за обдукција на телото.

реклама

Јавниот обвинител извршил и разговор со едно лице кое било сведок на настанот. Сведокот, како што стои во соопштението, го слушнал пискотот на сега починатата во моментот додека горела и повикал екипа на Брза помош со која комуницирала до нејзиното доаѓање на местото на настанот.

Основното јавно обвинителство – Скопје работи на утврдување на причините на настанот.

ПОВЕЌЕ ОД КАТЕГОРИЈАТА: Актуелно

реклама
error: Содржината е заштитена со авторски права.