Поврзи се со нас
Маркетинг

Популарно.мк

Ќе продолжат разговорите за влада која ќе ги подготви предвремените избори

Актуелно

Ќе продолжат разговорите за влада која ќе ги подготви предвремените избори

Лидерите на ВМРО-ДПМНЕ, на СДСМ, на ДУИ и на ДПА на денешната средба ги продолжиле дискусиите за точната организација на владата што ќе ги подготви изборите, како што е предвидено во шестата точка од договорот од 2-ри јуни, се наведува во соопштението што партиите го лиферуваа по завршувањето на средбата.

Во овој контекст, како што се посочува, лидерите на ВМРО-ДПМНЕ Никола Груевски, на СДСМ Зоран Заев, на ДУИ Али Ахмети и на ДПА Мендух Тачи се договорија да се состанат повторно во деновите што следуваат.

– Претседателот на Владата на Република Македонија, Никола Груевски, го претстави владиниот нацрт – план за примена на препораките што се однесуваат на системски реформи во областа на владеење на правото што е потребно да се спроведат согласно точката шест од договорот од 2-ри јуни, се наведува во текстот.

Според договорот од 2 јуни, постигнат меѓу четворицата лидери во присуство на еврокомесарот Јоханес Хан, предвремени парламентарни избори во земјата треба да се одржат до крајот на април следната година.

На денешната лидерска средба, која траеше нешто повеќе од еден час, повторно беа присутни амбасадорите на ЕУ и на САД во земјава Аиво Орав и Џес Бејли.

Изјави за медиумите Груевски, Ахмети и Тачи не дадоа, додека Заев кусо рече дека во деновите што следуваат ќе има средби и оти се трудат максимално да се изнајде решение, што зависи од сите вклучени во процесот.

Груевски на средбата беше придружуван од шефот на дипломатијата и член на ИК на партијата Никола Поповски, Заев од Радмила Шеќеринска, потпретседател на СДСМ, Ахмети од пратеникот Артан Груби, а Тачи од Имер Алиу, координатор на пратеничката група на ДПА

Информативна Редакција

Главниот и одговорен уредник на веб порталот Популарно.мк. Ѓорги е перспективен новинар кој со својата креативност и талент го направи Популарно.мк дел од водечките информативни сајтови во Македонија. Во исто време е регионален известувач за CNN од Македонија и главен на продукцијата GPTM Production.

Повеќе од Актуелно

Маркетинг
ДО ВРВ
error: Содржината е заштитена со авторски права.