//
Следи нѐ
To Top

ВИДЕО: Први кадри од новиот заеднички филм на Џоли и Пит

Конечно е објавен долгоочекуваниот трајлер на филм „Покрај морето“, во кој главните улоги ги толкуваат Анџелина Џоли и Бред Пет.

Тие во филмот играат брачна двојка која минува низ кризи и бурен период. Дејствието на филмот е сместено на француската ривиера во 70-те години на минатиот век.

реклама

„Покрај морето“ е приказна за поранешната танчерка Ванеса и нејзиниот сопруг Роланд, американски писател. По повеќе години брак, тие се оддалечиле еден од друг, но кога ќе стигнат во едно мирно градче крај морето, нивните животи ќе се променат.

Минувајќи го времето со жителите на тоа живописно место, Ванеса и Роланд почнуваат да ги решаваат проблемите во нивниот живот.

Ова е прво заедничко филмско остварување на Анџелина Џоли и Бред Пит по 2005 година, кога глумеа во големиот хит „Господин и Госпоѓа Смит“.

Анџелина Џоли е и режисер и сценарист, а филмот снимен на атрактивна локација на Малта.

ПОВЕЌЕ ОД КАТЕГОРИЈАТА: Сцена

реклама
error: Содржината е заштитена со авторски права.
%d bloggers like this: