Поврзи се со нас

Популарно.мк

Ангеловски: Ќе направиме се за победа

Спорт

Ангеловски: Ќе направиме се за победа

Македонскиот претставник во Лига Европа, Работнички утре го игра првиот натпревар од баражот на ова натпреварување против руската екипа Рубин. По трите успешно минати кола, за екипата на Работнички следува најголемиот предизвик, бидејќи доколку успешно се мине оваа пречка следуваат натпреварите во групите од Лига Европа.

На денешната прес-конференција во пресрет на дуелот тренерот на Работнички Игор Ангеловски изјави дека натпреварот е важен за Македонија, бидејќи многу малку наши клубови играат во оваа фаза.

– Ние не планираме да бидеме само учесници. Ќе одиграме максимално и најдобро како би можеле да стигнеме до позитивен резултат. Го знаеме Рубин, тие се фаворити, но ние ќе направиме се да победиме, рече Ангеловски.

Капитенот Блаже Илиојски поради жолтите картони нема право на настап на утрешниот дуел.

– Подготвени сме за предизвикот. Покажавме дека можеме да играме и се надевам на поволен резултат. Немаме притисок, а уживаме во моментот и тоа за нас е дополнителна мотивација, изјави Илијоски, кој за реваншот вети и гол во мрежата на Рубин.

Утрешниот натпревар се игра на Националната Арена „Филип Втори“ со почеток  во 20 часот.

Информативна Редакција

Главниот и одговорен уредник на веб порталот Популарно.мк. Ѓорги е перспективен новинар кој со својата креативност и талент го направи Популарно.мк дел од водечките информативни сајтови во Македонија. Во исто време е регионален известувач за CNN од Македонија и главен на продукцијата GPTM Production.

Повеќе од Спорт

ДО ВРВ
error: Содржината е заштитена со авторски права.