Следи нѐ
To Top

Новиот iPad на Apple е технички најсовршен од сите таблети кои постојат

Компанијата Епл на настанот во Сан Франциско претстави поголема верзија на својот iPad таблет компјутер.

Новиот таблет наречен АјПад Про има дисплеј од 12,9 инчи и резолуција од 5,6 милиони пиксели. Според експертите од компанијата новиот поголем екран е подобар за работа, играње на видео игри, како и за гледање на филмови.

реклама

Таблетот е со дебелина од само 6,9 милиметри. Новиот А9Х процесор работи дури 22 пати побрзо од првата верзија, додека графиката има за 360 пати подобри перформанси. Батеријата трае до 10 часа, а АјПад Про доаѓа со четири звучници и  специјално дизајнирана смарт тастатура.

– Иако АјПад минува низ тежок период, овој уред е далеку поуспешен од било кој друг таблет на пазарот и се уште претставува работа од над милијарда долари, изјави Геоф Блабер, од консултантската компанија Ци-Ци-Ес Инсајт.

Епл АјПад Про во продажба ќе се најде од ноември по цена од 799 долари за верзија со 32 ГБ и 949 долари за верзија со 128 ГБ. Новиот АјПад доби и Епл Пенсил, што ќе чини 99 долари и паметна тастатура што ќе чини 169 долари.

ПОВЕЌЕ ОД КАТЕГОРИЈАТА: Наука

реклама
error: Содржината е заштитена со авторски права.