Поврзи се со нас

Популарно.мк

Лауреатот од Венеција и Берлин Жоао Салавиза денеска во Битола

МК Сцена

Лауреатот од Венеција и Берлин Жоао Салавиза денеска во Битола

Интернационалниот фестивал на филмската камера „Браќа Манаки“ денеска ќе биде домаќин на лауреатот од Берлин и од Венеција, младиот португалски режисер Жоао Салавиза.

Португалецот Салавиза напладне ќе има средба со учесниците на фестивалот и разговор со студенти, режисери и други филмски работници кои годинава се во Битола.

– Честа е голема бидејќи токму ИФФК „Браќа Манаки“ е вториот фестивал во светот каде е прикажан неговиот долгометражен филм „Планина“, веднаш по премиерата на филмскиот фестивал во Венеција. Со синоќешната презентација воедно почна програмата „Нов европски филм“ која е фестивалски новитет во оваа година, информираа од ИФФК „Браќа Манаки“.

Според богатата програмата во текот на денешниот ден на неколку сцени ќе бидат емитувани повеќе филмски остварувања, а меѓу нив и македонски производи и копродукции во кои учествуваат македонски филмски работници. Во рамките на програмата „Нов европски филм“ ќе биде емитуван филмот „Банат“ – италијанско, романска, бугарска и македонска продукција, а во рамките на програмата „Макпоинт“ ќе бидат емитувани документарецот „Вања – со маки сум се родила“ во режија на Синиша Ефтимов и „Децата на мојот татко“ во режија на Бесфорт Имами.

Вечер од 19 часот во салата на Битолскиот театар во рамките на програмата „Специјални проекции“ ќе биде емитуван македонскиот трилер „Карма“ во режија на Владимир Митревски.

Информативна Редакција

Главниот и одговорен уредник на веб порталот Популарно.мк. Ѓорги е перспективен новинар кој со својата креативност и талент го направи Популарно.мк дел од водечките информативни сајтови во Македонија. Во исто време е регионален известувач за CNN од Македонија и главен на продукцијата GPTM Production.

Повеќе од МК Сцена

ДО ВРВ
error: Содржината е заштитена со авторски права.