Следи нѐ
To Top

Совршенството оставете им го на вонземјаните!

Пишува: Татјана Алексиќ

Посветено на сите родители и учители!

реклама

Перфекционизмот колку и да звучи перфектно, како позитивна особина, всушност е совршено деструктивен механизам за мелење на самодоверба и стекнување перманентно чувство на вина.

Родителите перфекционисти на своите деца им наметнуваат високи животни цели и критериуми создавајќи им илузија за совршенство. Нивните деца мора да се „скроз“ одлични со безброј освоени награди (се разбира само прво место, останатите се за несовршените), популарни во училиштето… Под таков притисок нема задоволство од сработеното, колку и да е објективно успешно. Поради наметнатиот страв од можни грешки и неуспеси, децата одбегнуваат предизвици и креативност, учат заради резултати и критериуми, а не заради знаење и искуство. Така во лавиринтот на перфекционизмот го губат својот идентитет и самодовербата, а последица се низа психички заболувања.

Родителот (учителот) не смее да го контролира детето преку сопственото незадоволство држејќи го во кафез на нереални очекувања. „Не очекувајте за да бидете среќни“ – Шекспир!

Наместо константно поразителен циклус на перфекционизам, треба да ги воспитуваме децата да се стремат кон цели според сопствените желби, способности , вештини и потреби, а не според очекувањата на околината. Кога ќе се постават реални и здрави цели во животот и да се доживее неуспех тој се врзува за конкретната цел, а не за преиспитување на сопствените вредности.

Не постојат грешки туку лекции, а негативното искуство е можност позитивно да се изградиме.

Совршенството е илузија која не може да се достаса, на оваа планета не живеат такви – да им го оставиме на вон земјаните

ПОВЕЌЕ ОД КАТЕГОРИЈАТА: Колумни

  • ТАТЈАНА АЛЕКСИЌ: Уметност на пишување љубовни писма
    Први мај – меѓународен ден на прасето!

    Први мај – меѓународен ден на прасето (скарата), пардон, на работникот, залиен со цинизам кој се добива како микс од идеологијата...

    Татјана Алексиќсептември 21, 2015
  • Татјана Алексиќ: Епидемија на депресија
    Знаеме ли зошто се слават Младенци?

    Празникот Младенци се слави во знак на сеќавањето за 40 млади римски војници казнети поради примање на христијанската вера. реклама

    Татјана Алексиќсептември 21, 2015
  • Стареење
    Стареење

    Староста почнува со честата реторика „ во мое време беше поинаку” (обично подобро) или со симптоматично читање некролози, а знае да...

    Татјана Алексиќсептември 21, 2015
реклама
error: Содржината е заштитена со авторски права.