Поврзи се со нас

Популарно.мк

Поетски читања низ цела Македонија за Неделата на промоција на хумани вредности

Настани

Поетски читања низ цела Македонија за Неделата на промоција на хумани вредности

Во рамките на Националната програма на Црвен крст на Р.Македонија, Црвен крст во акција-промоција на хумани вредности (ЦКА-ПХВ), која веќе 17 години се спроведува во Македонија, младите учат за културата како систем на вредности, за културата на дијалог како основен предуслов за градење на интеркултурно опшество, и при тоа се поттикнати да бидат активни и да изработуваат мали проекти за добробит на заедницата.

Секоја година покрај обуката за дисеминација 1200 младинци од цела Македонија на возраст од 13 до 17 години добиваат и обука како да изработуваат мали проекти за добробит на своите заедници. Оваа година, од страна на младинците учесници во ПХВ циклусот 2015, изработени се 192 мали проекти преку кои им е дирекно помогнато на околу 4000 лица.

Имајќи ја предвид Стратегијата 2020 на Црвениот крст на Р. Македонија, во која третата стратешка цел е унапредување на социјалната вклученост и култура на ненасилство и мир, од пред 4 години е воведена нова недела во традиционалниот календар на активности, недела на Промоција на хумани вредности, од 21-27 септември.

12023263_10207005367759848_612622400_n

Оваа година во рамките на одбележувањето на ПХВ неделата ќе се организираат ПХВ поетски читања. Младите ќе имаат можност да истражуваат кои поети твореле во нивните градови и истото да го презентираат пред публиката.

Настаните во целата држава ќе се одржат од 21-27 септември во секој град каде има канцеларија на Црвен крст.

Преку поезијата младинците ќе испратат порака за разновидноста на културите и толеранцијата, дијалогот и соработката, взаемната доверба и разбирање кои се меѓу најдобрите гаранции за мирот и соживотот, а ние како претставници на Црвен крст имаме одговорност да дејствуваме.

Информативна Редакција

Главниот и одговорен уредник на веб порталот Популарно.мк. Ѓорги е перспективен новинар кој со својата креативност и талент го направи Популарно.мк дел од водечките информативни сајтови во Македонија. Во исто време е регионален известувач за CNN од Македонија и главен на продукцијата GPTM Production.

Повеќе од Настани

ДО ВРВ
error: Содржината е заштитена со авторски права.