//
Следи нѐ
To Top

Audi А3 го слави 20-годишниот јубилеј со повеќе од 3,5 милиони возила продадени низ цел свет

Нов успех за фабриката од Инголштат, Германија која е „одговорна“ за производството на реномираниот бренд со четири прстени, Audi.

Во септември 1995 година односно пред точно две децении, на пазарот се појави првиот Audi А3, а компанијата досега има произведено повеќе од 3,5 милиони примероци од овој модел. Денес секој петти продаден Audi автомобил е A3, а моделот продолжува да биде револуционерен кога станува збор за алтернативните системи за возење. Несоборлив доказ за значењето на овој автомобил е флексибилното производство на A3 Sportback e-tron, A3 Sportback g-tron и стандардните A3 модели од Инголштат.

реклама

– Две децении од создавањето на Audi A3 воедно значат и дваесет години триумф во класата на компактни автомобили. Зад производството на овој модел стои високо стручен производен тим без кој оваа успешна приказна немаше да биде достижна – изјави Хјуберт Валтл, член на одборот за производство на Audi.

Питер Мош, претседателот на работниот совет, смета дека токму производството на овој модел им помогнало да ангажираат и да задржат на работа голем број на вработени.

– Среќни сме што толку важни автомобили се креирааат тука во Инголштат. Зголемениот обемот на работа, а со тоа и бројот на вработени покажува дека сме на вистинскиот пат – изјави господинот Мош.

Кога го имаше своето деби, Audi A3 постави нови стандарди во класата на компактни возила благодарение на спортскиот изглед, врвната изработка и Quattro погонот. Додека флексибилноста при изработката на каросеријата надополнето со технолошките иновации, го гарантираат врвниот квалитет на овој модел. Денес на пазарот има повеќе членови на ова семејство: Audi A3, A3 Sportback, A3 Sportback e‑tron и A3 Sportback g‑tron модели кои само во 2014 година беа произведени во 188.465 примероци. Компактниот автомобил од Инголштат во текот на овие две децении стана глобален играч и ги има освоено патиштата во повеќе од 100 земји.

Сериското призводство на првиот хибриден модел беше огромно достигнување во насока на електричната мобилност. Денес Audi стои и зад Audi A3 Sportback e‑tron, а побарувачката е особено голема во Холандија каде секој втор продаден Audi A3 Sportback автомобил е e-tron.

Брендот со четири прстени исто така го креира и Audi A3 Sportback g‑tron со ниска емисија на издувни гасови, а се работи за првиот Audi автомобил на природен гас. Овој модел е особено актуелен во Италија каде што секој втор автомобил е A3 Sportback на природен гас.

ПОВЕЌЕ ОД КАТЕГОРИЈАТА: Занимливости

  • Првиот пешачки 3-Д мост (видео)

    Во Шангај е пуштен во употреба најдолгиот бетонски пешачки мост на светот кој е изграден со технологија за 3-Д печатење. Автор...

    Информативна Редакцијасептември 22, 2015
  • Германeц се возел меѓу два вагона од воз со 200 километри на час

    Германeц кој патувал кон Хамбург со воз излегол да испуши цигара, па останал заглавен меѓу два вагона, во движење со брзина...

    Информативна Редакцијасептември 22, 2015
  • Кобила е „Австралијка на годината“

    Еден австралиски дневен весник номинираше кобила, како единствена кандидатка за избор на „личност“ која изминатава година покажа напорна работа, борбеност и...

    Информативна Редакцијасептември 22, 2015
реклама
error: Содржината е заштитена со авторски права.
%d bloggers like this: