//
Следи нѐ
To Top

„Час по анатомија“ во данската зоолошка: Децата се згрозиле од грозоморниот настан

Данската зоолошка градина денес приреди „час по анатомија“, пред десетина деца сецирале тело на лав, со што предизвика гневна реакција на активистите за заштита на правата на животните кои настанот го опишале како „грозоморен спектакл“.

Девет месеци стар лав беше еден од трите младенчиња кои во Зоолошката градина во Оденз, во централна Данска, кој беше успиен минатиот февруари откако не успеа да ги вдоми. Оттогаш неговото тело беше чувано во ладилник.

реклама

Меѓу 300 и 400 деца и повозрасни посетители се собраа да присуствуваат на дисекција на лавот што ја изврши еден од работниците на Зоолошката градина, Расмус Колинд.

Гледајќи го сецирањето кое започна со отсекување на јазикот на животното, децата ги затнуваа носовите и со гримаси на гадење следеа како Колинд ја дере кожата на лавот ширејќи непријатен мирис.

– Мртвите животни мирисаат како мртви животни. Тука не што многу да се рече, рече Колинд на насобраната маса во која имаше деца помлади од четири години.

– Не сакам тоа да го гледам, извика едно од момчињата, додека едно девојче го опиша случувањето како „забавно, но помалку одвратно“.

Претставничката на Зоолошката градина Лоте Транберг објасни зошто морале да го успијат лавот.

– Ако дозволевме да остане најверојатно би се парел, би имал младенчиња, со своите сестри и мајки. Тоа би било она што го нарекуваме сродничко парење, наведе таа.

Јавните сецирања се редовна појава во данските зоолошки градини, каде се сметаат за интересна научна едукација на децата за природата.

Сепак, ваквото случување има и свои противници.

Претставниците на Меѓународното хуманитарно здружение за Европа, Венди Хигинс, ја обвини зоолошката градина во Оденс дека „од трагични случувања прави грозоморен спектакл“.

Слично случување, но со жирафа приредено е минатата година во Зоолошката градина во Копенхаген. Исто така, и тогаш јавноста бурно реагираше, а директорот на зоолошката градина доби закани со смрт.

ПОВЕЌЕ ОД КАТЕГОРИЈАТА: Занимливости

  • Првиот пешачки 3-Д мост (видео)

    Во Шангај е пуштен во употреба најдолгиот бетонски пешачки мост на светот кој е изграден со технологија за 3-Д печатење. Автор...

    Информативна Редакцијаоктомври 16, 2015
  • Германeц се возел меѓу два вагона од воз со 200 километри на час

    Германeц кој патувал кон Хамбург со воз излегол да испуши цигара, па останал заглавен меѓу два вагона, во движење со брзина...

    Информативна Редакцијаоктомври 16, 2015
  • Кобила е „Австралијка на годината“

    Еден австралиски дневен весник номинираше кобила, како единствена кандидатка за избор на „личност“ која изминатава година покажа напорна работа, борбеност и...

    Информативна Редакцијаоктомври 16, 2015
реклама
error: Содржината е заштитена со авторски права.
%d bloggers like this: