Поврзи се со нас

Популарно.мк

Продолжуваат разговорите за договорот oд Пржино

Uncategorized

Продолжуваат разговорите за договорот oд Пржино

Белгискиот експерт Питер Ванхауте денеска ќе продолжи со одвоени средби со претставници на политичките партии кои учествуваат во разговорите за спроведување на точките од договорот во Пржино.

Ова е исходот од ноќешната двочасовна средба на лидерите на ВМРО-ДПМНЕ Никола Груевски, на СДСМ Зоран Заев, на ДУИ Али Ахмети и на ДПА Мендух Тачи во Клубот на пратениците, на која присуствуваа и евроамбасадорот Аиво Орав, претставник на Амбасадата на САД и белгискиот посредник Ванхауте.  Лидерската средба се одржа по неуспешните разговори минатиот понеделник на кои присуствуваше и еврокомесарот Јоханес Хан.

По средбата изјава даде само белгискиот посредник Ванхауте, кој го најави продолжувањето на одвоените средби.

– Имавме добар состанок со претставници на различните партии, што секогаш го сметам за корисно, особено кога на нив присуствуваат и лидерите на партиите. Јас сум релативно оптимист. Најважно е што тие почнаа да зборуваат меѓу себе. Тоа е есенцијално за да се постигне каков било напредок. Од таа перспектива имавме многу добар состанок, изјави Ванхауте.

На прашањето дали очекува напредок, рече дека не може да исклучи ништо, но побара трпеливост.

– Денеска ќе продолжиме со состаноците на ниво на работни групи, но не на целите работни групи туку тоа ќе бидат билатерални средби бидејќи за одредени прашања немаат сите партии особен интерес. Затоа е подобро да се почне со билатерални состаноци а потоа со работните групи, рече тој.

На средбата, според Ванхауте, било разговарано за сите отворени прашања, како што се специјалниот обвинител, за министрите, за прашањето за законот за „свиркачите“, за законот за необјавуање на прислушуваните разговори, за законот за Владата вклучувајќи ја и улогата и мандатот на замениците – министри.

Не сакаше да прогнозира дали следната недела би можеле да очекуваме конечен договор за точките од договорот од Пржино, но посочи дека се надева на најдобар исход и дека партиите активно ќе работат бидејќи времето притиска, како и објавувањето на Извештајот за напредокот на земјата на ЕК и препораката за Македонија за членство во ЕУ.

Информативна Редакција

Главниот и одговорен уредник на веб порталот Популарно.мк. Ѓорги е перспективен новинар кој со својата креативност и талент го направи Популарно.мк дел од водечките информативни сајтови во Македонија. Во исто време е регионален известувач за CNN од Македонија и главен на продукцијата GPTM Production.

Повеќе од Uncategorized

Маркетинг

Трендинг

ДО ВРВ
error: Содржината е заштитена со авторски права.