//
Следи нѐ
To Top

ФОТОГАЛЕРИЈА: „Мода и културно наследство“ – втор ден од есенскиот Моден викенд Скопје

Со ревиите на Јована Филиповиќ, Елена Спасовска и Венера Мустафа од Косово, се одржа вториот ревијален ден на есенскиот Моден викенд Скопје, под мотото „Мода и културно наследство“, вчеравечер во Музејот на Македонија.

Јована Филиповиќ ја прикажа колекцијата за актуелната есен/зима 2015/2016 за која вели дека „претставува одраз на на некое идно совршено време.

реклама

Иднина во која уметноста, дизајанот и архтектурата се движечка сила. Влијанието на нео – футуристичкиот минимализам на градбите на Заха Хадид и Калатрава се внимателно пресликани во секој елемент од колекцијата. Градби кои се одраз на времето кое допрва треба да дојде“.

На второто модно шоу се претстави дизајнерката Елена Спасовска која инспирацијата за колекцијата ја наоѓа во жената од работничката класа, нејзиниот молк наспроти нејзиниот херојски став. „Колекцијата истражува како оваа жена минува низ сопствената интимна револуција. Таа е инспирацијата за колективна сила. Централна тема е текстилот и текстилната индустрија. Во колекцијата се користени природни материјали волна, памук и свила, а за прв пат во мојот дизајн ќе презентирам и кроеви од плетени материјали“, вели Спасовска за својата најнова колекција.

This slideshow requires JavaScript.

Косовската дизајнерка Венера Мустафа, која во Македонија за прв пат имаше ревија во рамките на Моден викенд Скопје 12, ја донесе колекцијата „Сондер-секој има приказна“. Мустафа колекцијата ја опишува како „ Производ на инспирација базирана на цветови од мочуриштето, фламнига и капки солзи кои комуницираат меѓусебно во форма на ткаенини, бои и текстура“.

За фризурите на манекенките и овој пат се погрижи Едукативниот центар „Кариера плус“ во соработка со „Lakme а за шминка тимот поддржан од „Gosh“.

Вечерва во Музејот на Македонија следуваат ревиите на „Kigili“, Митко Занов, Ирина Тошева поддржана од My:Time и Роберт Ивановски поддржан од винаријата Камник.

ПОВЕЌЕ ОД КАТЕГОРИЈАТА: МК Сцена

реклама
error: Содржината е заштитена со авторски права.
%d bloggers like this: