Поврзи се со нас

Популарно.мк

ТЕШКА СООБРАЌАЈКА КАЈ ГОСТИВАР: Еден загинат и еден повреден во судар на камион и автомобил

Актуелно

ТЕШКА СООБРАЌАЈКА КАЈ ГОСТИВАР: Еден загинат и еден повреден во судар на камион и автомобил

Во сообраќајната несреќа која попладнево се случила на магистралниот пат Гостивар-Кичево кај „Здуњски мост“  загинало едно лице, а повреден е возач на камион. По тричасовниот прекин,  заради увидот, сообраќајот на оваа делница повторно е нормализиран.

Од СВР Тетово информираат дека несреќата се случила попладнето во 13 часот. Во неа учествувале автомобил „БМВ“ со гостиварски регистарски таблици и камион влекач со приколка со тетовска регистрација.

– Во несреќата на самото место починал А.Н. (56) од Неготино-Полошко, кој го управувал автомобилот. Возачот на камионот, В.Б. (39), се здобил со телесни повреди и е згрижен во гостиварската општа болница, изјави за МИА Марјан Јосифоски портпаролот на СВР Тетово.

При сударот, камионот речиси целосно извртел и излетал од патот и и надвиснал над мостот. Од сударот, автомобилот е целосно уништен.

До почетокот на увидот на јавен обвинител и екипа на СВР Тетово, сообраќајот на оваа магистрала беше во прекин.

Информативна Редакција

Главниот и одговорен уредник на веб порталот Популарно.мк. Ѓорги е перспективен новинар кој со својата креативност и талент го направи Популарно.мк дел од водечките информативни сајтови во Македонија. Во исто време е регионален известувач за CNN од Македонија и главен на продукцијата GPTM Production.

Повеќе од Актуелно

ДО ВРВ
error: Содржината е заштитена со авторски права.