Поврзи се со нас

Популарно.мк

Минусни температури утрово во поголем дел од Македонија

Актуелно

Минусни температури утрово во поголем дел од Македонија

Берово, Маврово, Битола, Крива Паланка, Тетово, Лазарополе, Демир Капија, Струмица, Штип и Куманово утрово со температури под нулата. Максималната измерена утринска температура изнесуваше 4 степени.

Според мерењата на УХМРМ, најстудено било во Берово минус седум степени, во Маврово се измерени минус три степени, Битола минус два, Крива Паланка, Тетово, Лазарополе  Прилеп, Демир Капија, Струмица, минус 1 во Штип и Куманово, 0 во Скопје, Дебар, Кавадарци, Крушево,  еден во Виница, Охрид, Претор,  два во Гевгелија и четири степени во Дојран.

Во поголемиот дел од земјава времето е ведро и сончево. По одделни котлини има појава на слаба магла На повисоките места дува слаб ветер од северен и источен правец. Воздушниот притисок утрово е многу висок, и е за 20 мерни единици повисок од просечниот, но во текот на денот ќе опаѓа.

Денеска времето ќе биде претежно сончево со мала локална облачност. Ќе дува слаб, а на повисоките места и на планините слаб до умерен ветер од североисточен правец. Дневната ќе се движи од 14 до 20 степени.

Во наредните денови подрачјето на Македонија и понатаму ќе остане под атмосферски систем со висок  воздушен притисок и стабилна воздушна маса.

Од утре под влијание на потопла воздушна маса, дневната температура ќе бележи пораст. Условите за појава на утринска магла ќе бидат помали и застапени како поретка појава.

Информативна Редакција

Главниот и одговорен уредник на веб порталот Популарно.мк. Ѓорги е перспективен новинар кој со својата креативност и талент го направи Популарно.мк дел од водечките информативни сајтови во Македонија. Во исто време е регионален известувач за CNN од Македонија и главен на продукцијата GPTM Production.

Повеќе од Актуелно

ДО ВРВ
error: Содржината е заштитена со авторски права.