Поврзи се со нас

Популарно.мк

Прскање на улиците во Скопје за намалување на загаденоста на воздухот

Актуелно

Прскање на улиците во Скопје за намалување на загаденоста на воздухот

Градот Скопје денеска почнува со третирање на градските улици со средството калциум магнезиум ацетат како една од мерките за намалување на загадувањето на воздухот.

Прскањето ќе започне на крстосницата на булеварот „Свети Климент Охридски“ со улицата „Свети Кирил и Методиј“, а според најавите од Градот, со овој процес ќе бидат опфатени булеварот „Свети Климент Охридски“ и улиците „Свети Кирил и Методиј“ и „Јордан Мијалков“.

Станува збор за средство што се користи за контрола и намалување на ситната прашина (ПМ10 и ПМ2,5 честичките) и за стабилизација на патиштата.

Средството е еколошки производ, биоразградлив, не е штетен за растенијата (погоден е за апликација во близина на паркови и зелени површини), и не е корозивен, односно нема да предизвика оштетување на возилата.

При неговото аплицирање може да се почувствува слаб мирис на оцет, кој не е опасен по здравјето на луѓето.

Брзината на улиците каде што ќе се става средството ќе биде ограничена на 40 километри на час, заради можна појава на лизгавост на коловозот. Ќќе биде поставена и соодветна сообраќајна сигнализација.

Информативна Редакција

Главниот и одговорен уредник на веб порталот Популарно.мк. Ѓорги е перспективен новинар кој со својата креативност и талент го направи Популарно.мк дел од водечките информативни сајтови во Македонија. Во исто време е регионален известувач за CNN од Македонија и главен на продукцијата GPTM Production.

Повеќе од Актуелно

ДО ВРВ
error: Содржината е заштитена со авторски права.