//
Следи нѐ
To Top

Илјадници граѓани протестираа пред Владата (ФОТО)

Заврши протестот пред Владата на Република Македонија, организиран од граѓанската иницијатива „Протестирам“ и на просторот пред Владата веќе нема ни демонстранти, ниту, пак, полицајци, а сообраќајот се одвива нормално.

Протестот, во кој немаше поголеми инциденти и помина мирно, првично почна од пред зградата на Специјалното јавно обвинителство СЈО по што демонстрантите се упатија кон Канцеларијата на претседателот Иванов и кон Собранието на Република Македонија. Силен полициски кордон ги спречи да се приближат до седиштето на ВМРО-ДПМНЕ, а големо полициско обезбедување имаше и околу зградата на Собранието каде не им се дозволи пристап.

реклама

Демонстрантите им поделија цвеќиња на полицијаците кои го чуваа Собранието, а  потоа се упатија кон плоштадот „Македонија“. Дел од нив со јајца фрлаа кон „Порта Македонија“, а на објектот се испишани и погрдни графити. Од плоштадот „Македонија“ преку Камениот Мост, се упатија кон плоштадот „Филип Втори“, но на крајот на мостот беа вратени назад од полицијата по што се упатија кон зградата на Владата.

133130888 133130889 13006658_10154869807994466_3781506065734385739_n[1]
<
>

Протестот се пресели на платото пред Владата на Република Македонија откако полицијата тоа го дозволи.

И вечерва се бараше оставка на претседателот Ѓорге Иванов, но и итно повлекување на одлуката за избори на 5 јуни, како и почнување процес за избор на експертска влада.

ПОВЕЌЕ ОД КАТЕГОРИЈАТА: Актуелно

реклама
error: Содржината е заштитена со авторски права.
%d bloggers like this: