Следи нѐ
To Top

БИДЕТЕ НАЈМОДЕРНИ НА ВАШАТА МАТУРА: Bitsiani моден водич за матуранти (ФОТОГАЛЕРИЈА)

Втора година по ред, модниот бренд Bitsiani подготви каталог со предлози за матурскиот изглед на момците. Во таканаречениот стилски водич за матуранти може да се најдат десет предлог комбинации соодветни за матурската вечер, но и за летните денови и вечери кои доаѓаат.

Интензивните бои, карактеристични за Bitsiani повторно се присутни кај палтата, панталоните, чевлите и додатоците. Оваа сезона особено интересна е црвената, која може да биде присутна кај едно парче или пак како целосна комбинација. За посмирен, но сепак модерен изглед тука се и светлите, нежни нијанси кои се убаво освежување во целата колекција и се лесни за комбинација на различни парчиња. Освен посвечените модели на костуми, панталони и блејзери, за матурската вечер дозволени се и за нијанса полежерни комбинации – без палто и со малку поспортски чевли.

реклама

Момците кои се облекуваат во Bitsiani знаат дека деталите се клучни за комплетен изглед, па затоа во стилскиот водич можат да добијат интересни идеи како да ги вклучат во своите комбинации на необичен и уникатен начин. Џебните марамчиња, вратоврските, чевлите, ремените во боја и нивното взаемно комбинирање во однос на боите и дезените, се секогаш добар начин да се добие разигран и младешки изглед.

И оваа година главната ролја во матурскиот водич ја има Вања Трампевски од агенцијата Подиум, додека пак за фотографија беа задолжени тандемот фотографи Ани и Дими, а за шминката се погрижи Зоран Шурбевски. Како локација за фотосесијата се јавува шармантниот простор на винаријата Камник.

Bitsiani (6) Bitsiani (7) Bitsiani (8) Bitsiani (9) Bitsiani (10) Bitsiani detali (1) detali (2) detali (3) Bitsiani (1) Bitsiani (2) Bitsiani (3) Bitsiani (4) Bitsiani (5)
<
>

Стилскиот водич за матуранти ќе биде достапен во продажните места на Bitsiani, и на уште неколку соодветни локации низ градот.

ПОВЕЌЕ ОД КАТЕГОРИЈАТА: Магазин

реклама
error: Содржината е заштитена со авторски права.