Следи нѐ
To Top

Изгоре македонската православна црква „Воскресение Христово“ во Австралија

Македонската православна црква „Воскресение Христово“ која се наоѓа Рокдејл, Сиднеј, Австралија изгоре во пожар, кој избувнал на Велигден.

Во гаснењето на пожарот учествувале неколку пожарникарски возила. Австралиските медиуми јавуваат дека двајца пожарникари се повредени во гаснењето на пожарот. Навреме бил евакуиран и Домот за стари лица, што се наоѓа во близина на црквата.

реклама

Црквата е во надлежност на епархијата во Австралија со која раководи, митрополитот Петар и се наоѓа во непосредна близина на најголемата црква „Света Петка“.

Објектот не е во сопственост на МПЦ, туку е изнајмен од една црковна организација во Австралија.

Австралиската полиција ги истражува причините за пожарот и дали тој е подметнат.

Ова е трета црква на МПЦ која изгоре во пожар во Австралија. Пред неколку години во пожар изгоре црквата „Свети Никола“ во Мелбурн, а претходно и „Св. Ѓорги“ исто така во Мелбурн.

ПОВЕЌЕ ОД КАТЕГОРИЈАТА: Актуелно

реклама
error: Содржината е заштитена со авторски права.