Поврзи се со нас

Популарно.мк

Дваесет и четири годишно момче е спасено од давење во Струга

Актуелно

Дваесет и четири годишно момче е спасено од давење во Струга

Дваесет и четири годишно момче од Тетово попладнево е спасено од давење во водите на Охридското Езеро во близина на „Машка плажа“ во Струга.

Го извадил спасител, на Црвениот крст во Струга и по првичната реанимација од тројца спасители момчето е пренесено во Струшката болница од каде се транспортира на скопските клиники.

–    Момчето родено 1992 година од Тетово е донесено без знаци на живот. По преземени мерки за реанимација добивме срецева акција и пулс, но централниот нервен систем, односно мозокот не фукнционира. Во моментот се транспортира за Скопје, информира дежурниот хирург во Струшката болница.

Според секретарот на Црвениот крст-Струга, Адуриме Даути момчето било многу одалечено од брегот и се давело подолго време.

–    Го извадил спасител од зоната кај хотел Дрим. Момчето се давело подолго време бидејќи било многу одалечено од брегот, информира Даути.

Портпаролот на СВР Охрид, Стефан Димоски информира дека несреќата се случила околу 16 часот на просторот меѓу „Машка“ и „Женска“ плажа, на место каде немало директно спасители, но интервенирале од соседните плажи.

–  Момчето претходно било на педалинка од која скокнало во делот кај трските и го снемало. Интервенирале спасителите кои го пронашле кај трските и го реанимирале, изјави Димоски.

Ова е прв посериозен случај годинава за спасување во вода од страна на спасителите на Црвен крст Струга.

Информативна Редакција

Главниот и одговорен уредник на веб порталот Популарно.мк. Ѓорги е перспективен новинар кој со својата креативност и талент го направи Популарно.мк дел од водечките информативни сајтови во Македонија. Во исто време е регионален известувач за CNN од Македонија и главен на продукцијата GPTM Production.

Повеќе од Актуелно

Маркетинг

Трендинг

ДО ВРВ
error: Содржината е заштитена со авторски права.