Следи нѐ
To Top

УХМР ПРЕДУПРЕДУВА: И денеска нестабилно со поројни дождови и грмежи

УХМР соопшти дека и денес подрачјето на Македонија ќе остане под влијание на влажна и нестабилна воздушна маса од Медитеранот, која попладне и во вечерите часови повторно ќе предизвика променливо и нестабилно време со врнежи од дожд кој локален ќе бидат поројни и проследени со грмежи.

Најпрво ќе бидат зафатени западните делови, а потоа кон крајот на денот и во вечерните часови ќе се прошират и во централните и североисточните делови. Процесите се очекува да бидат локално и во форма на невреме со интензивен пороен дожд, особено во западните делови. Ќе дува повремено и умерен до засилен ветер. Повремени врнежи ќе продолжат и преку ноќта. Дневната температура ќе биде во интервал од 25 до 32 степена.

Во Скопската котлина времето ќе биде променливо а попладне нестабилно со врнежи од дожд кои локално ќе бидат поројни и со грмежи. Врнежите се очекува да бидат поинтензивни кон крајот на денот и во вечерните часови. Дневната температура ќе достигне до 29 степени.

Во изминатите 24 часа најмногу дожд имало во Скопје каде се измерени 93 литри на метар квадратен, соопшти УХМР. Во Маврово наврнале 39, во Пожаране 28, Крушево 20, Охрид 18. Во Ѓуриште за изминатото деноноќие се измерени 11 литри на метар квадратен, 10 во Лазарополе, 5 во Скопје – Петровец, два литра во Тополчани и Берово и еден литар на метар квадратен во Куманово, Штип и Претор.

ПОВЕЌЕ ОД КАТЕГОРИЈАТА: Актуелно

error: Содржината е заштитена со авторски права.