Поврзи се со нас

Популарно.мк

Објавени имињата на загинатите патници од авионската несреќа кај Кожле

Актуелно

Објавени имињата на загинатите патници од авионската несреќа кај Кожле

Италијанскиот весник „Ла Република“ објави дека со приватниот авион, што се урна вчера попладне кај велешко Кожле, управувал пилотот Франческо Монтањер, претседател на аматерскиот спортски аероклуб „Тревизо“. Со него биле и потпретседателот на клубот Дарио Бастасин,  како и Лука Дале Муле, Ангело Калегари и Иларија Бертио и Висар Бегај од Косово, кои имале и италијанско државјанство.

Како што пишува весникот, настраданите живееле во Треивизо, Падова и Удине. Групата планирала да патува Приштина поради бизнис, како и за активности поврзани со аероклубот „Тревизо“. Тие во Приштина требало да присуствуваат и на инаугурација на тамошен аероклуб.

Урнатиот авионот бил со германски национални ознаки, од типот „Пајпер Па 34-200 Т Сенека“. Полетал од Тревизо, Италија, а крајната дестинација му била Приштина. Над Македонија требало да изврши прелет и бил пријавен на аеродромот „Александар Велики“-Скопје за дополнување гориво.

Исчезнувањето на авионот од радарот вчера попладне во 17.40 часот во МВР го пријавила Контролата на летање на скопскиот аеродром.

За настанот е информиран Јавен обвинител и Комитетот за истражување авионски несреќи.

Информативна Редакција

Главниот и одговорен уредник на веб порталот Популарно.мк. Ѓорги е перспективен новинар кој со својата креативност и талент го направи Популарно.мк дел од водечките информативни сајтови во Македонија. Во исто време е регионален известувач за CNN од Македонија и главен на продукцијата GPTM Production.

Повеќе од Актуелно

ДО ВРВ
error: Содржината е заштитена со авторски права.