Следи нѐ
To Top

Нова радио станица во скопскиот етер

На фреквенцијата 107,4 денеска во скопскиот етер започна со работа новото „Хепи радио“.

Главниот и одговорен уредник Иван Беќковиќ зборувајќи за концептот и програмската шема на новата градска фреквенција рече дека во текот на денот радиото ќе има цели 14 часа програма во живо, како и целоноќна одбрана музика.

Директорот и еден од сопствениците на радиото, Владо Јаневски истакна дека главна цел на радиото е да шири добра вибрација низ градскиот етер и дека целта на неговиот тим е да стане најдобриот пријател на сите слушатели кои ќе дојдат на оваа фреквенција.

Гласовите кои ќе им прават друштво на скопјани им припаѓаат на Оливера Петрушевска, Марко Новески, Ана Тодевска, Зорица Црношија, Маја Бабиќ и Маја Ристовска.

ПОВЕЌЕ ОД КАТЕГОРИЈАТА: МК Сцена

error: Содржината е заштитена со авторски права.