Следи нѐ
To Top

Највисокиот стаклен мост во светот повторно отворен

Стаклениот мост во Кина повторно ќе биде отворен, а кинеските официјални претставници велат дека со структурата нема никакви проблеми.

Највисокиот и најдолгиот мост со стаклено дно во светот се простира на должина од 430 метри преку Големиот кањон Џанцјаце во провинцијата Хунан и има поглед, кој го одзема здивот од височина од 300 метри.

Мостот беше отворен во август и многу брзо го привлече интересот за посетите, кои беа десет пати поглеми од проценетиот капацитет со носивост од осум илјади луѓе дневно.

Затрупана со луѓе, атракцијата мораше да се затвори 13 дена по отворањето, оставајќи во воздухот многу прашања за безбедноста на мостот, иако ниту еден инцидент не беше пријавен.

Кинеските официјални лица сега изјавија дека мостот е подготвен за повторно отворање и дека не постои ниту еден проблем.

Лу Кевин, портпарол на менаџерскиот комитет на мостот рече дека мостот бил затворен поради надградба на објектот и дека е подготвен за прием на посетителите кои учествуваат на интернационалната продажна конференција, како и на меѓународниот туристички фестивал кој наскоро почнува во Џанцјаце.

Тој објаснува дека голем број посетители и возила ги отежнуваат работите за надградба на мостот, вклучувајќи го уредувањето и проширувањето на паркингот и другите објекти.

Онлајн резервациите за посета на мостот исто така се реорганизирани. Сега билетите се ограничени на илјада на час со цел да се избегне метежот и долгите редици.

Мостот е поплочен со 99 панели на трикратен слој од проѕирно стакло и е поставен меѓу две стрмни карпи 300 метри над кањонот.

ПОВЕЌЕ ОД КАТЕГОРИЈАТА: Занимливости

error: Содржината е заштитена со авторски права.