Поврзи се со нас

Популарно.мк

Приведен тетовец за фотографирање избирачко ливче

Актуелно

Приведен тетовец за фотографирање избирачко ливче

М.А. (32) од Тетово бил приведен од полицијата на барање на Избирачкиот одбор од избирачко место во основното училиште „Наим Фрашери“ во Тетово откако се обидел со мобилен телефон да го фотографира гласачкото ливче, информира портпаролот на СВР Тетово Марјан Јосифовски.

Според него, инцидентот се случил денеска во 11 часот и 20 минути.

– По приведувањето, кусото задржување и раговорот во полицијата, на тетовецот со потврда му бил одземен мобилниот телефон за натамошно вештачење, а тој ќе се соочи со прекршочна пријава согласно Изборниот законик за незаконско користење на мобилен телефон или апарат на избирачко место за што е предвидена глоба од 300 до 1.000 евра во денарска противредност, рече Јосифовски.

Како што додаде, во телефонот е констатирана слика од избирачкото место. Полицијата ќе испитува докази и елементи за можно кривично дело.

Инцидентот беше потврден и од претседателот на Општинската изборна комисија од Тетово Артан Адеми кој посочи дека по интервенцијата на членови на Избирачкиот одбор и Општинската изборна комисија заедно со полицијата гласањето и на ова избирачко место продолжило без никаков друг проблем.

Информативна Редакција

Главниот и одговорен уредник на веб порталот Популарно.мк. Ѓорги е перспективен новинар кој со својата креативност и талент го направи Популарно.мк дел од водечките информативни сајтови во Македонија. Во исто време е регионален известувач за CNN од Македонија и главен на продукцијата GPTM Production.

Повеќе од Актуелно

ДО ВРВ
error: Содржината е заштитена со авторски права.