Поврзи се со нас
Маркетинг

Популарно.мк

Огнови ќе горат и покрај апелот на МПЦ

Актуелно

Огнови ќе горат и покрај апелот на МПЦ

Бадникарски огнови вечерва ќе горат во повеќе скопски општини и покрај апелот на МПЦ дека станува збор за пагански обичај, а дрвата да бидат донирани во хуманитарни цели со цел да се намали енормното загадување на воздухот.

Најмногу огнови се очекува да бидат запалени во скопски Аеродром, преку 200, но оваа година организаторите сами треба да ги набават дрвата, затоа што општината реши од оваа година бесплатните дрва кои се даваа за бадникарските огнови да ги донира на социјално загрозените семејства.

– „Ќе се собереме со соседите, на добра музика, греана ракија и мезе, заеднички да ги прославиме празниците. Ова е наша традиција и не верувам дека некој ќе се откаже од прославата. Соседите собраа по 200 денари и подготвивме убава храна и пијалоци, а ќе кршиме и лепче со паричка да го избереме кумот кој ќе ја организира прославата наредната година“ – вели жител од Аеродром.

МПЦ вчера испрати апел да не се палат бадникарските огнови предвидени за вечерва со препорака дрвата да се донираат на социјално загрозени семејства.

– „Верниците што планираат да организираат коледарски оган, да не го прават тоа, туку да ги донираат дрвата. Исто така, на тој начин ќе покажеме и доволна граѓанска свест во време кога Скопје, но и другите градови се соочуваат со енормно загадување“ – се вели во соопштението на МПЦ.

Општина Аеродром покрена кампања за подигање на свеста кај жителите да внимаваат при палењето бадников оган, традиција која во последните години масовно се практикува во Скопје.

Целта е да се заштитат луѓето и имотот од пожари. Во исто време, на социјалните мрежи се апелира граѓаните да се воздржат од оваа традиција за да не се влошува и без тоа енормното загадување на воздухот во Скопје, но и во други градови низ Македонија.

„Прославете го коледе и Божик со семејството, заштитете ги децата“ – се вели во пораката.

Информативна Редакција

Главниот и одговорен уредник на веб порталот Популарно.мк. Ѓорги е перспективен новинар кој со својата креативност и талент го направи Популарно.мк дел од водечките информативни сајтови во Македонија. Во исто време е регионален известувач за CNN од Македонија и главен на продукцијата GPTM Production.

Повеќе од Актуелно

Маркетинг
ДО ВРВ
error: Содржината е заштитена со авторски права.