Следи нѐ
To Top

Мирослав Илиќ ќе прослави 45 години јубилеј со голем концерт во Скопје

По повод 45 години јубилеј – 45 години музичка кариера на 11 март во Скопје ќе гостува една од најголемите екс ју-фолк легенди – Мирослав Илиќ. Всушност, токму од Скопје и стартува неговата славеничка турнеја која ќе опфати повеќе градови од цела поранешна Југославија.

“Ако ви се игра – играјте; ако ви се пее – пејте; Добредојдовте и живели”, вели Мирослав во поканата за дружба со македонската публика, која во неговите најголеми хитови ќе може да ужива на концертот закажан на 11 март во Метрополис Арената.

реклама

Станува збор за славенички концерт кој заради поводот – 45 години јубилеј, ќе биде со поразлична концепција и само со места за седење, а влезниците ќе бидат во органичен број.

Предвидено е концертот да трае неколуку часа, со оглед на тоа дека Илиќ ќе има и музичка поддршка од две мошне популарни домашни фолк имиња, а во кои ќе се потсетиме на безвременските хитови од 45-годишната кариера на, како што го нарекуваат, “Славејот од Мрчајевци”.

“Божанствено жено”, “Лажу да време лечи све”, “Волео сам девојку из града”, “Поздрави је, поздрави”, “Један дан живота”, “Зовеш ме на вино”, “Теби”, “Поломиќу чаше од кристала”… се само дел од темите кои ќе се најдат на репертоарот на човекот кој своите студентски денови ги поминал во Скопје, што е уште еден од поводите зошто токму од кај нас ја стартува својата голема турнеја.

Мирослав Илиќ е роден во Мрчајевци на 10 декември 1950 година, па токму и заради родното село го нарекуваат “Славејот од Мрчајевци”. Гимназија завршил во Чачак, а на факултет се запишал во Скопје, токму затоа и за нашиот град го врзуваат еден куп убави спомени и често истакнува дека знае македонски. Кариерата ја почнува во 1972 година со песната “Волео сам девојку из града”. Бројката на негови хитови е, се чини, бесконечна зашто меѓу првиот албум “Овом те песмом поздрављам” снимен во 1973 година, па се до последниот издаден неодамна, а со наслов “Волим те неизлечиво”, речиси на секои две години издава нови материјали.

ПОВЕЌЕ ОД КАТЕГОРИЈАТА: МК Сцена

реклама
error: Содржината е заштитена со авторски права.