Поврзи се со нас
Маркетинг

Популарно.мк

Норвешка пресилна за ослабената Македонија во првото осминафинале на СП

Ракомет

Норвешка пресилна за ослабената Македонија во првото осминафинале на СП

Ракометната репрезентација на Македонија не успеа да се пласира во четвртфиналето на Светското првенство во Франција, откако попладнево во Албервил загуби од фаворизираната Норвешка со 34:24.

„Црвено-жолтите“ иако ослабени без Дејан Манасков и Филип Миркуловски имаа сили да одиграат добро само во прво полувреме во кое имаа и водство со 9:8. Скандинавците возвратија и на полувреме отидоа со водство од 12:10. Македонските ракометари можеа да имаат и поповолен резултат доколку реализираа барем дел од неколкуте одлични позиции. Три пати беше погодувана и рамката од голот.

Сепак, отсуството на двајцата од првиот тим значително се почувствува во вторите 30 минути. По една и пол минута во вториот дел  беше 14:10. Неколкуте грешки во нападот им овозможија лесни голови на Норвежаните и високи осум голови предност во 43.минута, а девет минути подоцна за првпат и двоцифрена разлика (28:18) за рутинирано приведување на мечот кон крајот.

Кире Лазаров со шест голови беше најефикасен во нашата селекција, Стојанче Стоилов четири пати го совлада противничкиот голман. Кај Норвежаните Јондал и Сагосен имаа шест реализации.

Остана пропуштена можноста Македонија да го забележи најдобриот пласман на Светските првенства, но со самиот пласман во втората фаза првенствената цел беше исполнета.

Избраниците на Лино Червар шампионатот го завршија со две победи (Тунис и Ангола), еден нерешен резултат (Исланд) и три порази (Словенија, Шпанија и Норвешка).

До крајот на денот ќе се одиграат уште три осминафиналиња:

Франција – Исланд (18 часот),
Бразил – Шпанија (20:45 часот)
Русија – Словенија (20:45 часот).

Информативна Редакција

Главниот и одговорен уредник на веб порталот Популарно.мк. Ѓорги е перспективен новинар кој со својата креативност и талент го направи Популарно.мк дел од водечките информативни сајтови во Македонија. Во исто време е регионален известувач за CNN од Македонија и главен на продукцијата GPTM Production.

Повеќе од Ракомет

Маркетинг
ДО ВРВ
error: Содржината е заштитена со авторски права.