Следи нѐ
To Top

На 3 и 4 февруари Скопје Синема Сити во Кинотека на Македонија

На 3 и 4 февруари 2017, во Кинотека на Македонија ќе започне Скопје Синема Сити – Загревање, настан на којшто ќе биде прикажан избор на филмови од второто издание на филмскиот фестивал Скопје Синема Сити, што се одржа во октомври 2016 година.

Загревање е настан во рамките на којшто Фестивалот, веќе традиционално во февруари, репризира избор од филмовите од претходното издание. Скопје Синема Сити, пак, е фестивал за музички документарни филмови на којшто се прикажуваат бројни филмови од различни продукции, вклучувајќи ја и домашната.

реклама

Првото издание на Фестивалот се случи во 2015 година фестивалот со трибјут за Дејвид Боуви, а во рамките на второто издание во 2016 година се направи трибјут за Леонард Коен. Фестивалот беше организиран во Кинотека на Македонија и во фокусот беше кантавторот Леонард Коен, со чијшто филм „Јас сум тој“ и беше отворена манифестацијата. Исто така, Фестивалот оствари соработка со британската телевизиска продукција Би-би-си, па беа прикажани повеќе нивни филмови.

Со почеток во 20 часот во Кинотека на Македонија, на 3 февруари, посетителите ќе имаат можност да ги проследат филмовите: „Роберт Плант: Јас самиот“ и „Леонард Коен: Јас сум тој“, додека на 4 февруари, повторно со почеток од 20 часот, ќе бидат прикажани филмовите „Пинк Флојд: А кој од вас е Пинк?“ и „Фактори Рекордс: Од Џој Дивижн до Хепи Мандејс“, но ќе се случи и премиерно прикажување на краткиот филм за Љубојна, „Радио Љубојна“.

ПОВЕЌЕ ОД КАТЕГОРИЈАТА: МК Сцена

реклама
error: Содржината е заштитена со авторски права.