Следи нѐ
To Top

ПЛАТИ КАФЕ СО ПОЕЗИЈА: Македонија по трет пат дел од глобалниот настан

Трета година по ред Македонија повторно е дел од глобалниот настан „Плати со поезија“.

По повод Светскиот ден на поезијата, Јулиус Мајнл неминовно и овој пат ќе се потруди да го разбуди поетот во секого, во вкупно 36 држави и во над 1.400 кафетерии низ целиот свет.

реклама

Овогодишната еуфорија освен во Скопје, се проширува и во Велес, каде настанот ќе се одбележи на дури девет локации. „Плати со поезија“ има за цел да го поттикне поетскиот дух кај сите, кога секоја година на ист датум се подарува уникатна можност испиеното кафе или чај да се плати со поезија – извор и валута на најуникатните човекови емоции.

За време на „Плати со поезија“, љубителите на уникатни ароми на кафе и чај, во Нола Бар, Наргиле Кафе, Ревија, Дион, Backyard, Juice Bar, Венето, Баду Бар во Скопје и во Чао Кафе во Велес, ќе ја имаат можноста да се дружат со македонски поети и да ги преточат своите емоции на парче хартија. Познатите автори кои се вклучени како главни поддржувачи на овој настан, и оваа година ќе бидат во потрага по најкреативните неоткриени “поети” кои ќе ги очекува несекојдневно и пријатно изненадување.

На 21ви март, паричниците дефинитивно ќе бидат заменети со инспиративни стихови.

ПОВЕЌЕ ОД КАТЕГОРИЈАТА: МК Сцена

реклама
error: Содржината е заштитена со авторски права.