//
Следи нѐ
To Top

„Спејс икс“ првпат во историјата лансираше веќе рециклирана ракета

Насмевката на лицето на Илон Маск, директорот на „Спејс икс“, зборуваше повеќе отколку илјадници искажани зборови. По повеќегодишна напорна работа и повремени неуспеси, компанијата „Спејс икс“ повторно се впиша во историјата со лансирање на веќе користена ракета, што минатата година успешно беше вратена на Земјата.

Лансирањето на „Фалкон 9“, како што беше планирано, почна во 18.27 часот по локално време од Кејп Канаверал, на Флорида. Погонската фаза од ракетата, што веќе беше користена минатата година за да однесе продукти до Меѓународната вселенска станица, совршено функционираше и во орбитата однесе комуникациски сателит.

реклама

Директорот и сопственик на компанијата „Спејс икс“, Илон Маск, воодушевено реагираше на успехот, истакнувајќи дека ова е огромен чекор за вселенската индустрија.

-Ова е револуција во вселенските летови. Ни требаа многу години за ова да го постигнеме. Денешниот успех не е само голем ден за „Спејс икс“, туку и за целата вселенска индустрија, рече Илон Маск.

„Спејс икс“, со седиште во Калифорнија, со години ја унапредува технологијата на „повеќекратни“ ракети, односно повторно користење на погонските фази на ракетите, што до сега се фрлаа по една употреба.

Компанијата досега на Земјата успешно врати осум такви ракети, при што пет слетаа во океан, а три на копно. Крајна цел на сето ова  е намалување на трошоците на лансирање.

Маск смета дека со дополнително усовршување на овој пристап и неговата поширока употреба трошоците за лансирање на ракетите во вселената ќе бидат намалени за најмалку 30 отсто.

ПОВЕЌЕ ОД КАТЕГОРИЈАТА: Вести

реклама
error: Содржината е заштитена со авторски права.
%d bloggers like this: