Поврзи се со нас
Маркетинг

Популарно.мк

Едно лице загина, а четворица се повредени во сообраќајна несреќа

Вести

Едно лице загина, а четворица се повредени во сообраќајна несреќа

Едно лица загина, а четворица се повредени во тешка сообраќајна несреќа што се случи синоќа околу 21 часот на патот Битола – Демир Хисар, на надвозникот на Кукуречанската раскрсница.

Портпаролот на СВР Битола, Магдалена Димитровска соопшти дека до несреќата дошло при судир на патничко возило „мерцедес 200“ и товарно моторно возило „Там 80Т“. Во несреќата загинал возачот на автомобилот 42- годишниот Сашо П. од Битола.

– Четириесет и двегодишниот битолчанец им подлегна на повредите во Клиничката болница во Битола, а лекар од Службата за ургентна медицина можел само да ја констатира смртта. Во сообраќајката се повредени четири лица од кои тројца сопатници на загинатиот битолчанец. Со фрактура на главата се здобил и е во коматозна состојба 24-годишен битолчанец со иницијали Г.Ј, а повредени се и уште двајцата сопатници со иницијали И.Ј (41 година) и А.Р (53 години). Со набиеници се здобил и 30-годишниот Е.Б од Битола од другото возило во несреќата, изјави Димитровска.

Таа додаде дека се уште не се познати причините за несреќата, но оти се знае дека мерцедесот се движел во правец од Демир Хисар кон Битола и удрил во товарното возило.

Увид на местото на несреќата извршија јавен обвинител и екипи на СВР Битола. За да се утврдат причините за смртта на 42-годишниот битолчанец Сашо П., ќе биде направена обдукција на телото.

Поради сообраќајната несреќа синоќа во периодот од 21:20 до 23:50 часот сообраќајот на патот Битола – Демир Хисар беше затворен за сообраќај за сите моторни возила.

Информативна Редакција

Главниот и одговорен уредник на веб порталот Популарно.мк. Ѓорги е перспективен новинар кој со својата креативност и талент го направи Популарно.мк дел од водечките информативни сајтови во Македонија. Во исто време е регионален известувач за CNN од Македонија и главен на продукцијата GPTM Production.

Повеќе од Вести

Маркетинг
ДО ВРВ
error: Содржината е заштитена со авторски права.