fbpx
Поврзи се со нас
Маркетинг

Популарно.мк

Серија земјотреси повторно го потресоа охридскиот регион

Вести

Серија земјотреси повторно го потресоа охридскиот регион

Серија земјотреси ноќеска и изутринава повторно го потресоа охридскиот регион.

Првиот земјотрес, според информациите од Европскиот медитерански сеизмолошки центар, е регистриран во 02:37 часот со магнитуда од 3 степени според Рихтеровата скала. Епицентарот бил на 8 километри источно од Охрид на длабочина од 5 километри.

Вториот потрес се случил во 4:28 часот. Тој бил со магнитуда од 2,1 степен според Рихтер, со епицентар 5 километри источно од Охрид, на длабочина од 2 километри.

Третиот земјотрес бил регистриран во 04:41 часот. Бил со магнитуда од 3 степени според Рихтер, со епицентар 8 километри источно од Охрид на длабочина од три километри.

Последниот во серијата земјотреси се случил во 08:34 часот. Земјотресот бил со магнитуда од 2,7 степени, исто така, со епицентар во близина на Охрид.

Земјотресите не предизвикаа никакви материјални штети, но дополнително ги вознемирија жителите на Охрид и околните населени места, кои веќе неколку дена се сведоци на тресење на тлото.

Експертите по сеизмологија оценуваат дека се работи за редистрибуција на напрегање на силите за сеизмички активно подрачје. Истовремено тие уверуваат дека не треба да се очекуваат да се случат земјотреси со поголема магнитуда, оттаму што со секој изминат земјотрес се губи потенцијалот за поголем потрес.

Информативна Редакција

Главниот и одговорен уредник на веб порталот Популарно.мк. Ѓорги е перспективен новинар кој со својата креативност и талент го направи Популарно.мк дел од водечките информативни сајтови во Македонија. Во исто време е регионален известувач за CNN од Македонија и главен на продукцијата GPTM Production.

Повеќе од Вести

Маркетинг

Трендинг

Маркетинг
ДО ВРВ
error: Содржината е заштитена со авторски права.