Поврзи се со нас

Популарно.мк

Најмалку 13 загинати во терористички напад во Барселона

Вести

Најмалку 13 загинати во терористички напад во Барселона

Најмалку 13 лица загинаа откако попладнево комбе влета во пешаци во центарот на Барселона, јави шпанското радио Кадена Сер, повикувајќи се на полициски извор.

Некои други медиуми јавуваат дека во нападот се убиени најмалку 10 луѓе.

Во инцидентот, за кој полицијата соопшти дека е терористички напад, се повредени најмалку 25 луѓе.

Шпанскиот весник „Публико“ објави дека при приведувањето на возачот на комбето, што денеска удри во пешаци во центарот на Барселона, е уапсено уште едно лице.

Според весникот, приведен е Дрис Укабир, на чие име е изнајмено комбето, како и уште едно лице.

Претходно, шпанското радио Кадена Сер повикувајќи се на полициски извор јави дека во инцидентот загинаа најмалку 13 лица, а 32 се повредени.

Инцидентот се случил на улицата Лас Рамблас, популарно место во близина на Плаза Каталонија.

Локални медиуми јавуваат дека се слушнале и истрели на пазарот Бокерија во Барселона и оти две вооружени лица се забарикадирани во ресторан на плоштадот во Барселона по инцидентот со комбето.

Каталонскиот премиер Карлес Пучдемон го прекина годишниот одмор и се враќа во градот.

Информативна Редакција

Главниот и одговорен уредник на веб порталот Популарно.мк. Ѓорги е перспективен новинар кој со својата креативност и талент го направи Популарно.мк дел од водечките информативни сајтови во Македонија. Во исто време е регионален известувач за CNN од Македонија и главен на продукцијата GPTM Production.

Повеќе од Вести

ДО ВРВ
error: Содржината е заштитена со авторски права.