//
Следи нѐ
To Top

Над 20.000 првачиња ќе седнат во училишните клупи

Над 20.000 првачиња ќе седнат во училишните клупи во новата 2017/2018 година, која наместо традиционално на 1 септември, со одлука на Министерството за образование и наука ќе почне на 4 септември. 

Според податоците на Министерството за образование и наука бројката на запишани првачиња според досегашните податоци со кои располага МОН изнесува 20.437.

реклама

Во Скопје од вкупно 10 општини досега се пријавени 6.159 првачиња.

Во средните училишта запишани се вкупно 17.131 ученик. Во двата уписни рока во скопските средни училишта запишани се 6.496 ученици, а во другите општини бројот на запишани изнесува 10.635.

Поголем интерес имало за стручното образование каде се запишани 9.983 ученици, а за гимназиско образование се одлучиле 6.703.

Во скопските гимназии се запишани  2.768, а во стручните училишта 3.407 ученици.

Во гимназиското образование во другите општини запишани се 3.935 ученици, а во стручните училишта во другите општини 6.576 ученици.

Во уметничко образование се запишани вкупно 224 ученици од кои во Скопје 148, додека во спортска гимназија 221 ученик, од кои во Скопје 173.

Од Министерството за образование и наука наведуваат дека конечниот број на основци и средношколци ќе го имаат кон средината на септември по комплетирањето на податоците во координација со општините.

ПОВЕЌЕ ОД КАТЕГОРИЈАТА: Вести

реклама
error: Содржината е заштитена со авторски права.
%d bloggers like this: