//
Следи нѐ
To Top

Трето издание на HFW Expo во септември!

Септември е месецот со кој започнува сезоната на нови почетоци, прифаќање на нови здрави навики, започнување со спортска активност, правилна исхрана, нови методи за релаксација, грижа за здравјето и изгледот, кои потоа се трудиме да ги одржиме во текот на целата година.

Па така, и овој септември, резервирајте го викендот 23ти и 24ти, за третото издание на Health, Fitness & Wellness Expo – најголемиот интерактивен настан за здрав животен стил кај нас.

реклама

На HFW Expo секогаш има нешто ново, па овој пат настанот е со заслужено освежување и тоа во нов, outdoor концепт, на нова локација – во Градскиот Парк во Скопје! Оваа година, програмата на настанот и двата дена ќе трае од 11 до 19 часот, а настанот поточно ќе биде лоциран на терените “Работнички”.

Двете успешно реализирани изминати изданија, кои покрија огромен број на теми за здравиот начин на живеење, здравата исхрана и спортувањето, козметиката и грижата за себе низ секое поле, укажуваат на фактот дека интересот за оваа тематика кај македонската публика се повеќе и повеќе се зголемува.

Затоа, оваа година подгответе се за уште поголем настан и уште побогата програма, распределена на дури четири сцени и тоа: Health Zone, Fitness Stage, Wellness Corner и Kids Corner. Дополнителен анимациски агол е предвиден и за натпреварот со препреки и многу вредни награди за оние кои ќе учествуваат и ќе остварат најдобри резултати.

HFW Expo е настан кој нуди голем број на бесплатни корисни совети и информации, промотивни понуди, едукација, вредни награди, отворени бесплатни тренинзи, третмани и тоа за сите возрасни граници, потреби и навики. Токму затоа, посетителите на овој настан се од најразлични возрасни групи, пол и професии.

Наскоро ќе бидат објавени сите организации кои се приклучија и ќе учествуваат на овој настан, а ги има навистина многу (преку 80)! За повеќе информации околу целосната програма, изложувачите и учесниците, следете ја Facebook фан страната и официјалниот Facebook настан.

Здравите навики прераснуваат во животен стил, а Health, Fitness & Wellness Expo прераснува во традиција. Бидете на HFW Expo!

ПОВЕЌЕ ОД КАТЕГОРИЈАТА: Магазин

  • Првиот пешачки 3-Д мост (видео)

    Во Шангај е пуштен во употреба најдолгиот бетонски пешачки мост на светот кој е изграден со технологија за 3-Д печатење. Автор...

    Информативна Редакцијасептември 5, 2017
  • Германeц се возел меѓу два вагона од воз со 200 километри на час

    Германeц кој патувал кон Хамбург со воз излегол да испуши цигара, па останал заглавен меѓу два вагона, во движење со брзина...

    Информативна Редакцијасептември 5, 2017
  • Кобила е „Австралијка на годината“

    Еден австралиски дневен весник номинираше кобила, како единствена кандидатка за избор на „личност“ која изминатава година покажа напорна работа, борбеност и...

    Информативна Редакцијасептември 5, 2017
реклама
error: Содржината е заштитена со авторски права.
%d bloggers like this: